上過歷史課嘅朋友，絕不會忘記美國喺二次大戰中所擔任嘅重要角色，《戰火旗蹟》表面上力Sell大美國、大英雄主義；但年屆70多嘅導演奇連伊士活，卻以此內容暗暗向觀眾輸送反戰反英雄意識。同一場中，導演亦拍咗套以日本人角度出發嘅《硫磺島戰書》，將日本遭受美國侵略嘅史實搬上大銀幕。發行商華納影視今次以1碟裝及3DVD珍藏版一併推出，鍾意睇歷史戰爭片嘅朋友，真係唔可以錯過！
Bonus睇升旗儀式
以前十有八九嘅美國電影，好興喺結局時加插一幕英勇軍人加升旗儀式，懶有愛國Feel！《戰火旗蹟》還大膽拍成DVD封面，內容並非鼓吹大美國主義，又是導演借古諷今嘅技巧之一。內容講述因一幅戰場上舉起美國國旗嘅照片，令3名士兵立即被捧為英雄，更被利用為政治宣傳工具。喺Bonus裏面，除咗有導演專訪、製作特輯、特技效果等例牌「菜式」，更特別加插一幕升旗紀錄片，並介紹嗰幾名軍人嘅真實事迹，睇完好似上咗一堂歷史課；而且佢仲好似想話畀你知，大美國主義就是如此。
Profile
類型：戰爭
單碟裝：$138
3DVD珍藏版：$293（已包括兩套電影）