在伊朗酒店上網玩MSN，與朋友J的一節對話──
J：你喺伊朗都上到網？
G：點解上唔到，係慢啲！
J：咁睇唔睇到Yahoo？
G：點止Yahoo，連《蘋果》都睇到！我知道恒指升到20,841點啦！
J：又會咁開放？唔怕有間諜？
G：唔知啦，但我日日都睇CNN同BBC，就算講伊朗及其他中東國家的新聞時都照播可也，凌晨還有伊朗文的《大長今》！
J：吓！街頭有冇反美情緒？
G：到目前為止，都天下太平，只是在德克蘭見過一些「DownwithUSA&ISRAEL」廣告牌，甚麼遊行示威都見唔到；叫伊朗人講美國，大部份都覺得：「佢哋有偏見！」
J：除咗你，仲有冇其他遊客？
G：現在正值旅遊旺季，遊客多到爆，尤其日本及德國團，去到邊都見到，尤其係伊斯法罕，見佢哋仲多過伊朗人！
J：都好似幾安全，有冇遇到驚險事？
G：最驚險，都莫過於司機手車囉，佢哋居然可以喺公路上、十字路口中間連續Cut三條線倒車，簡直係車神！我個司機仲係行60公里嘅路行百二，之後被警察抄牌，罰了300港幣！
