佛誕好快到，信奉四面佛的朋友又話要出發去曼谷啦，我都好想跟埋去，因為四面佛附近有好多我一試就上癮的平靚正美食，好似每次必擦的海南雞。佛誕加請多一日假，4日應該足夠食完再食，食到肚滿腸肥先返呀。記者、攝影：馮敏兒
老字號海南雞飯
曼谷的40年老字號海南雞飯KaitonPrathunam實在太有名了，去曼谷而未食過一定不會甘心，那晚我們終於嚐到了快意的一小碟海南雞飯，說來真的好細碟，可能曼谷實在太熱，都不想食太飽。那些雞肉的確滑嫩得很，證明是真的浸熟，伴隨的醬料勁香亦夠辣，怕辣可以唔點，因為雞肉本身已經夠晒味。而最正的是唔使$7。這兒是清一色的雞店，雞燉湯、雞紅、雞內臟等，但只有泰文，總之指手劃腳搞掂，反正只是雞飯。
地址：PhetchapharopRoad30號
備註：許多人都說這間老字號海南雞飯店難找，其實從四面佛向北走，過了BigC再過河就到，認住個30號藍色路牌即是。
Rioja 超正西班牙菜館
去泰國食意大利餐就聽得多，但我就認為食西班牙菜才最着數，因為在香港食一餐西班牙菜真正「貴夾唔飽」，細碟到出奇，而且的確就有香港人是專程去曼谷食西班牙菜的。我們從這點展開搜查，結果發現曼谷最出名的就是Rioja，而且好多日本人會帶着旅遊guidebook搵到嚟。
Rioja是西班牙大廚FermandoAndress在2000年開創，兩年前搬到現址，85%的原材料都是入口，不過也不能跟足傳統西班牙菜，一來是因為許多人包括日本人和一些洋人都不太受落，二來從西班牙入口也太貴，所以這兒的菜式是經過改良的，但講夠新鮮原材料的傳統一樣堅持到底，令人一樣愛上！
RiojaSpanishBar&Restaurant
地址：1025PloenchitRoad,Lumpini,Pathumwan,10330Bangkok（在空鐵站ChitLom一下天橋轉入橫街就到，在四面佛斜對面）
電話：（66）22515761
網址：www.riojath.com
出門handbook
簽證：不論持BNO或特區護照均毋須簽證。
查詢：25216481（泰國領事館）
機票：乘搭國泰航空直航曼谷，價錢$2,527起。
查詢：www.zuji.com.hk
貨幣：1港元約兌4.3泰銖。（文中價錢已折算為港幣）
下周曼谷常有暴雨，25-32℃
