誰說模特兒着靚衫、行兩行的錢易賺？14歲出道、見慣大場面的混血名模Rosemary前晚在人流複雜的旺角酒吧，出席一啤酒派對活動，要為渾身塗滿油的震波肌肉男量度胸肌，台下觀眾又大叫她「除衫」，可幸Rosemary處變不驚，輕易過兩關。
混血名模Rosemary前晚以性感水手妹造型，在旺角一間人流複雜的酒吧出席嘉士伯啤酒活動，她在現場拿着軟尺，與兩名身上塗滿油的肌肉猛男度胸肌及手臂，由於兩名猛男渾身塗滿油，Rosemary為他們量度過後即匆忙抹手。
「唔覺尷尬」
兩名猛男不時對着Rosemary做出「震波」動作，即時令她露出尷尬表情，Rosemary說：「我都係第一次有男人喺我面前震波，好funny，有時喺街見到啲晒肌肉嘅大隻佬，我都覺得好好笑。」
另外現場人流複雜，當Rosemary出場時，酒吧內不少男士大叫「除衫」，事後問Rosemary有否聽到台下男士叫她「除衫」？她說：「現場咁多人咁嘈，我聽唔到，所以唔覺得尷尬，就算佢哋係咁講我都唔會照做，同埋現場有保安，我唔擔心會有混亂。」
消遣去老蘭
再問有否到過旺角的酒吧消遣？她說：「冇，平時飲嘢我多數去蘭桂坊。」那有否在夜店識男仔？她則說：「我嘅過去係點你哋都好清楚啦。」
採訪：GeneNg
攝影：ChanShunChing
