噚日喺屋企上網玩《MSN》之際，細佬樂祥嗰個巴士迷朋友Sent咗條Link過嚟，話係英國嘅瘋狂繞圈賽喎！我話晒都係個車迷，梗係Click上去昅昅啦！
初頭Click入呢條放喺YouTube嘅《WoSBusRacing1987》短片嗰陣，見到為數6部來自LondonTransport、兼俗稱「倫敦寶」嘅DaimlerFleetline出現，以為佢哋只係領航車啫，點知班車手原來真係用佢哋嚟比賽！參賽車手要揸住部雙層巴士，喺細小賽道進行繞圈賽，而所跑嘅圈數係15個，但賽道窄戰車大，要扒對手頭絕對唔係一件易事；但車手們都施展渾身解數，將部巴士踩到盡之餘，仲出盡法寶走位扒對手頭，而佢哋仲會咬住前車唔放㖭！搞到推頭甩尾嘅情境變成常見。最後7號車同2號車爭持不下，喺彎位前仲一齊入彎，夠晒刺激，仲好睇過東望洋房車賽㗎。聽完我講之後係咪好想睇吓呢？係嘅就即刻Click入下面嗰條Link睇吓啦！
網址： http://www.youtube.com/watch?v=1pzOuzV8iF0
悠穎馳
豪邁不羈，愛車如命，聽幾下引擎聲就知咩車！