豪景花園環境清靜，有海景，吸引到林先生於兩年前，以月租5000元，租住海景細單位。他說：「外人成日彈發展商品牌差，但我住落咁耐，又冇漏水，管理唔錯，地方亁淨，訪客出入要登記，亦做到足。」
然而，每個屋苑總有缺點，豪景花園會所及商場細小，是不爭的事實。林先生也認同：「呢度樓齡高，唔似得新樓用幾億打造豪華會所。商場亦唔係正宗shoppingmall，店舖不齊，冇時裝店，想買件衫都要出荃灣愉景新城。」
《優點》
●青山公路最大型屋苑，佔地近150萬方呎，環境廣大，綠化地方特多。
●有商場，生活自給自足。
●坐擁青馬橋海景。
●全屋斥資約70萬裝修，內櫳有睇頭。
《缺點》
●出入須駁車，交通花多一點時間。
●會所設施少及陳舊。
●實用率75%，無工人房，原則3房改2房，亦收窄客源。