球彩俱樂部:捧西維爾贏多次 - 阿鵬

球彩俱樂部:捧西維爾贏多次 - 阿鵬

歐洲各地聯賽向煞科推進嘅時候,盃賽亦達白熱化。其中西班牙盃踢埋周中兩場4強次回合,就知本屆決賽由邊兩隊爭霸。
今屆西甲除咗一貫巴塞同皇馬兩隊班霸外,西維爾係另一路奇兵。目前西維爾叫緊足協盃、聯賽同西班牙盃3飛,各項錦標中,以足協盃最大機會,事關已殺入決賽,其次係西班牙盃。
西維爾今季最大本錢就係主場,聯賽勝出率高達80%,長期捧佢場定有斬穫;喺西班牙盃都唔錯,至今仲係不敗。4強首回合作客慨贈拉科3蛋,可謂有一隻腳踏咗入決賽門檻,𠵱家返主場贏面就更加大。

相反佢哋嘅對手拉科魯尼亞,就無復當年勇喇;主場都仲見得吓人,作客就同榜尾球隊冇咩分別,聯賽至今只曾兩勝!咁樣嘅拉科今場要反勝晉級,的確難過登天!雖則近11次拉科作客西維爾只曾兩敗,但考慮到兩隊今非昔比,往績未必可作參考標準。首回合已經係個好例子,就信主場強勁嘅西維爾好啦!

Phone波熱線︰1831678
開放時間︰11:00pm-0:15am

阿鵬
有線球彩台主持
電郵:[email protected]