「『你係由石頭爆出嚟嘅』，咁石灘咪好多孤兒？『裝人沖涼會生眼挑針』？裝過無事喎……」網友近日在討論區張貼出「十大呃細路大話」，勾起許多網友的兒時回憶和共鳴，甚至有人說：「10個有7個中」。
有網友則對這些兒時或多或少都聽說過的大話逐點駁斥，且措詞相當辛辣。
「『食唔清啲飯會娶個豆皮老婆』？咁老竇食得好亁淨喎，點解阿媽你……『講大話會甩大牙』？講咗咁多年大話都未試過。『唔好玩橡筋呀，橡筋會吸血㗎』，放響水又唔見佢吸水嘅？『生嚿叉燒好過生你』，生到嚿叉燒話你好嘢！『再喊，警察叔叔就拉你』，喊都搵差人，告你阻差辦公呀！」
父母夾過口供
據說芸芸大話中，「同你儲埋啲利是錢入銀行」是最多細路受騙的，絕大多數上繳的利是錢最後均不知去向。
「無奈……中咗唔少！」「大部份呢啲大話我阿媽都有講過。真係由細呃到大。」「咁我已經俾人呃咗N次了。」網友paekk稱：「唔知啲父母係唔係夾過口供，個個都用同一招，冇啲新意。」失戀723則接着說：「我阿媽會話，『養多隻倉鼠都好過養你』，因為我屋企養倉鼠。」
網友wai6600似有所感悟地說：「『法律面前人人平等』、『我會做好呢份工』、『今時今日咁嘅服務態度唔得㗎』、『養大一個小朋友要四百萬』、『這次係個別事件』……唔知呢啲金句係大話定風涼話呢？」
十大呃細路大話
1.你係由石頭爆出嚟嘅
2.食唔清啲飯會娶個豆皮老婆
3.講大話會甩大牙
4.裝人沖涼會生眼挑針
5.唔好玩橡筋呀，橡筋會吸血㗎
6.同你儲埋啲利是錢入銀行
7.生嚿叉燒好過生你
8.再喊，警察叔叔就拉你
9.食葱會聰明啲㗎
10.你再咁曳，「咬烏」就嚟捉你
註:排列不分先後
資料來源：失敗論壇
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]