沙田新城市廣場上星期五發生火災，最少千多人要緊急疏散，不少商戶、食肆蒙受損失，顧客也受影響，有與新城市廣場一同成長的網民為它抱不平，說商場火警事出有因，「我新城市發脾氣，因為你哋成日拆我骨，無尊重過我感受，忍無可忍，所以我要發火。」
有近20年歷史的新城市廣場年前開始大翻新，HKangel自比新城市廣場在香港討論區「申寃」，「你哋成日換租客，迫我由啡轉白，有冇尊重過我感受，我忍無可忍，所以發火，你班友連救火都唔掂，越救越大火，保護我都無能力。」有網友則說，最懷念未翻新前的音樂噴水池，並戲言商場缺水導致火災，「以前有個噴水池，咁多年都無事，一拆咗就發火，可能裝修後風水無咁好。」
遠水不能救近火
原來不只HKangel對新的新城市廣場有意見，其他網友也說新不如舊，Homing指現在廣場好像只有賣化妝品的舖頭，「應該炒晒啲管理層。」YY說現時新城市廣場好像沒有特色，「同其他大商場無分別，啲嘢越來越貴，都係為咗吸引自由行遊客，好似好少香港人行。」Huk認為在商言商，新城市引入名牌無可厚非，「如果成個商場都賣平嘢，同房署嗰啲屋邨商場有咩分別？」苦瓜指新的噴水池在七樓戶外，「唔係無水池，不過遠水不能救近火啫。」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。一經採用可獲酬100元
請附姓名、電話及電郵地址，電郵到：[email protected]