本來車仔對曼聯呢場波，應該會創收視紀錄，應該會成為歐洲足球焦點，可惜，曼聯已經攞咗聯賽冠軍。不過，會唔會有以下嘅變數呢？摩連奴為咗面子，點都要贏曼聯，同佢打真軍；費Sir為咗令車仔心服口服，都會派正選上陣！加上落到場，為面子，球員真係會搏。當然，以上只係個人幻想，如果我係教練，點都留力足總盃決賽啦，而球員都會有一樣諗法！呢場波，睇唔睇都冇所謂，可能仲係0:0。
另外兩場西班牙盃，睇嚟都可能係悶戰居多，西維爾對拉科，西維爾已經有3球在手，冇理由再搏，所以我同樣要「細」，機會都應該幾大；至於基達菲對巴塞，我諗呢場波巴塞會好被動，睇近況基達菲兩連勝，至於巴塞雖然贏波，但欠王者本色。對於基達菲嚟講西盃係唯一獎項，點都要搏下，所以呢場波我鍾意「大」。
最後意大利盃羅馬對國米，兩隊進攻能力唔洗懷疑，如果講球隊氣勢同人腳，我會睇高國米少少，至於入球當然都要「大」啦！
周鵬
商業1台《球迷集中贏》主持
電郵：[email protected]