世事無常，有人辭官歸故里，有人漏夜趕科場。火箭喺NBA季後賽首圈出局，梗要搵人揹呢隻黑鑊，我求大俠收到風，由於孖寶麥基廸同姚明都喺鎮隊之寶，冇人敢郁，所以各方矛頭都直指一軍之帥雲根廸；美國嗰邊不斷傳佢即將被炒，不過另一邊廂，佢大佬前熱火教練史坦雲根廸又話諗住東山復出，仲話會執起山貓教鞭㖭喎！