新一代的主婦唔鍾意入廚，其中一個原因係怕咗嗰陣油煙味。其實，𠵱家想無煙煮食都唔難，譬如電磁爐、微波爐、焗爐，都方便好用，一般家庭亦買得起，但就未必物盡其用；好似焗爐咁，最多諗到焗吓蛋糕、火雞，閒時烘塊多士，查實焗爐用處又點止咁簡單呢？今日就示範「焗」出一餐香噴噴嘅餸，有肉有菜，而且最大好處係無油煙！
記者：林佩婷
攝影：陳陶鈞
示範：食譜作者Kannis
（[email protected]）
雜菜千層麵
需時：30分鐘
價錢：$30/2人
材料：千層麵4片、茄子1條（切片）、菠菜350克（烚熟隔水備用）、罐裝番茄肉1罐、馬蘇里拉芝士碎300克
調味：鹽1/4茶匙、糖/雞粉各1/2茶匙
做法：以滾水烚熟千層麵，隔水備用。番茄肉連汁加入調味拌勻。落油於鑊中，煎熟茄子備用。預備焗盤掃油，先鋪上千層麵/茄子片/1/3番茄肉及汁/芝士碎，再鋪上千層麵/菠菜/1/3番茄肉/芝士碎；鋪上第三塊千層麵/1/3番茄肉/芝士碎，最頂鋪上千層麵及撒上芝士。預熱焗爐180℃，放入焗約15至18分鐘至表面金黃色即成。
燒豬仔骨
需時：1小時
價錢：$45/2人
材料：豬仔骨1件（約1/2磅）
調味：罐裝洋葱湯4湯匙、水1湯匙
醃料：黑胡椒碎/鹽各少許、糖1/2茶匙、茄汁21/2湯匙、喼汁1茶匙、蒜頭4粒（切片）、洋葱1/3個（切絲）、香葉1茶匙
做法：豬仔骨以醃料醃25至30分鐘，預熱焗爐至190℃，放豬仔骨於焗盤內焗20至25分鐘。洋葱湯加水煮滾，淋豬仔骨上即成。
雜菌釀雞胸
需時：40分鐘
價錢：$40/4人
做法：雞胸2件、洋葱1/4個（切絲）、鮮冬菇8隻（切片）、白菌10隻（切片）、馬蘇里拉芝士碎20克、蒜茸1茶匙
醃料：鹽1/4茶匙、雞粉1/3茶匙
汁料：牛油1湯匙、淡忌廉100毫升、白菌2隻（切片）、鹽1/2茶匙
做法：雞胸洗淨，中間部份切開成袋形，以醃料略醃。落油燒熱鑊，放洋葱絲/蒜茸炒香，加入鮮冬菇/白菌炒勻後，落調味煮至稠身熄火作餡料。
將餡料/芝士釀入雞肉中，以牙籤穿好封口。預熱焗爐至190℃，焗盤掃上油，放雞肉焗25至30分鐘至熟透。汁料以牛油於鑊炒香白菌，加入淡忌廉/鹽煮滾，淋上雞肉即成。
南瓜卷
需時：25分鐘
價錢：$40/4人
材料：千層皮16片、南瓜1/4個（切粒）、洋葱1/3個（切粒）、煙肉1條（切粒）、雞蛋1隻（拂勻）
調味：鹽1/4茶匙、淡忌廉2湯匙
做法：將千層皮剪成正方形，烚熟南瓜隔水備用。落油燒熱鑊，炒香洋葱/煙肉，待煙肉熟透熄火；加入南瓜/調味作餡料。將4片千層皮鋪好，放入餡料包成春卷狀，以蛋液封口並掃於表面。預熱焗爐至190℃，將南瓜卷放上已塗油的焗盤，焗8至10分鐘即成。
