一個係本地大眾潮牌，另一個係美國百年老牛，首次合作當係試婚，打頭陣推出「一Tee一牛」作衝鋒隊，自是最穩陣的試陣組合。夏天熱辣辣，但兩者都選Cool爆黑色，既有Wrangler經典元素，亦融合了izzue本身的設計意念。同場加映izzue最新上架貨品，即使唔愛黑沉沉都有大把選擇。
記者：黃若茵
攝影：譚盈傑、何家亮
模特兒：Gary、Nana
不論牛與Tee，男女裝Size俱備，價錢亦一樣，只是女裝牛剪裁較Slim，咁低調，做情侶裝都唔算肉麻！
izzue×Wrangler
黑Tee各$259
izzue×Wrangler
黑牛各$799
普通牛價錢日本牛水準
點解要Crossover毋須再問，大勢所趨，個個品牌都要有新搞作。但點解要揀黑色？原來好簡單，品牌公關答：「型囉！」以價論貨，質料算是有水準，黑色牛仔布選用日本貨，並採用Wrangler著名的BrokenTwill斜紋組織作生產物料，夠「威格」味，亦是耐用舒適的保證，$800有找的價錢買到日本牛水準，收貨！洗水是izzue特色，這衝鋒牛也是落足心機。而後褲袋的「W」字樣及izzue星形窩釘等，落齊兩個品牌特色。喜歡黑得徹底，不妨襯埋件印有WranglerLogo及izzue星形標記的黑Tee！（貨品將於本月11日於全線izzue上架。）
春季新貨金屬閃閃
BlingBling未死，加上這兩季興Metallic，不論天橋名牌還是街頭潮牌都加入金屬元素。izzue亦不甘後人加入金屬行列，最新上架的夏季款式都用上珠片、閃粉等，增加搶眼程度，難得的是沒有閃得過火，男裝的上衣更是閃得含蓄，若隱若現更顯品味。
查詢：izzue（28903560）
銅鑼灣金百利商場地庫