阿仙奴中場巴廸斯達呢排都好難瞓得着，因為領隊雲格似乎唔想買斷佢，而皇馬來季肯定換領隊，夏天返到去都唔知有冇得留低。不過我求大俠收到風，佢下月就可以攞到歐盟護照，咁夏天搵球會落班都容易啲，可謂不幸中之大幸；而且，巴廸斯達今季喺阿仙奴機會雖然唔多，但始終好當打，所以現時已經有幾支德甲隊想羅致佢。