超人氣電視劇《溏心風暴》全城熱爆，隨着劇情漸入高潮，互聯網上圍繞該劇的討論話題也多不勝數，難怪劇集收視也頻頻報捷，無綫昨日公布上周的收視中，《溏》劇最高收視達34點（約220萬觀眾收看），平均則為32點（約207萬人），是《溏》劇播映以來最高收視的一周。
演技出色
昨晚大契李司棋回港踢爆細契關菊英搞風搞雨一場戲，肯定叫觀眾看得熱血沸騰，人氣爆燈的李司棋更成為網民至愛，網友ccc4088日前在香港討論區以「司棋姐喺（溏心入面）可否攞今年無記台慶女主角」發起選舉，逾七成網友認為司棋姐可以成功奪得視后，網友jojojojo_chan更說：「佢嘅演技絕對配拎呢個獎！不過無記頒唔頒畀佢係另一回事！但我覺得佢已經唔需要用呢個獎去證明一切！」
有網友又乘機贈興，找來司棋姐1974年在劇集《啼笑姻緣》中咪嘴唱出多首金曲的片段，放在YouTube網站讓網友分享，當年只得24歲的司棋姐年輕貌美，她分別以學生look及賣唱姑娘裝上陣，認真經典。此外，凌零發昨日凌晨觀看無綫重播的電影《賭神》時，飾演周潤發妻子的張敏竟然是由司棋姐配音，司棋姐已達到無處不在的地步。
奸到出汁
大契得民心，相反細契就乞人憎，首次演奸角的關菊英在網絡上更成了眾矢之的，有網民更指見到她出場已想掟爆電視機，不過觀眾有這樣的反應，全賴關菊英演得投入，相信也未嘗不是一件好事吧！
齊捧司棋姐
http://www20.discuss.com.hk/viewthread.php?tid=4139864&extra=page%3D1
網中吟：「佢真係超晒班」
easter256：我覺得佢真係超晒班，有獎冇獎都唔係問題，特別是黎姿同鄭生都拿了獎之後，仲值得爭個獎咩？
草琳：無綫最多畀個實力非凡嗰類佢！好似雯女當年咁，TVB一直忽視民意㗎啦！
FOBFOB：講真如果佢都可以拎嘅話，咁關菊英同米雪就更加要拎啦！佢兩個比司棋姐演得投入同突出，不過司棋姐個角色係大好人得民心多啲。
資料來源：香港討論區
