近年「事」途得意，Title同人氣齊齊急升，現貴為會德豐地產執行董事嘅Ricky黃光耀，親手策劃同銷售嘅樓盤都唔少，佢仲親自入市集團有份發展嘅樓盤，用真金白銀投信心一票。不過，Ricky媽咪就唔係好支持個乖仔，竟然走去買第二個發展商嘅樓盤？
實情係Ricky介紹媽咪畀中原地產幫手搵樓，結果買咗個觀塘麗港城高層單位，644方呎，向東南望內園，啱晒Ricky媽咪，成交價仲只係232萬，每呎3602蚊。
中原地產董事劉瑛琳話，公司同事帶Ricky媽咪喺九龍區睇咗半年樓，由於Ricky媽咪年紀大，唔想上落樓梯，又希望住市區向東南兼有園景，同埋有大公園嘅屋苑單位，價錢兩百零萬，因為會德豐地產嘅一手市區盤冇咁嘅選擇，Ricky媽咪惟有買二手樓囉，講真，邊有媽咪唔錫自己個仔㗎。
[email protected]