賭王同十姑娘（圖）之間嘅恩怨，近排好似靜咗，因為城中焦點去晒風水大師TonyChan度，但其實十姑娘冇停止尋找股東名冊，亦冇停止做嘢。佢個滿威利（MoonValley）基金會，後日（9號）同浸會大學嘅公司管治與金融政策研究中心，喺金鐘港麗酒店合辦「跨境上市：公司管治與監管」研討會。
研討會有幾特別？第一、十姑娘個仔何東舜銘負責致閉幕辭，話唔定十姑娘會突然現身畀驚喜大家；第二、其中一個講者係幫十姑娘打官司嘅立法會議員何俊仁，講「監管執法上的需要與挑戰」，何議員會唔會認為保障人身安全至係最大挑戰呢？
廣告設計另有含意
華華比較欣賞呢個seminar廣告，無厘頭登咗幾個唔係講者嘅知名人士喺報名表隔籬，包括人民銀行反洗錢監測分析中心主任歐陽衞民、特區保安局禁毒專員余呂杏茜等，唔知有咩含意？
如果華華有份幫滿威利搞呢個seminar，肯定加插「從十姑娘的角度看澳博上市」呢個topic。十姑娘咁高姿態，唔知到時賭王幾位太太，會唔會「咁啱」去港麗hightea，幫老公抗衡吓呢？
[email protected]