時間：01年12月
地點：香港
人物：梁思浩
經過：梁思浩當年喺《歡樂今宵》經常扮鬼扮馬，明星名人好似容祖兒、呂秀蓮、徐小鳳同國寶級跳水運動員郭晶晶都俾佢扮過。唔知係因為扮女人扮上癮，抑或係佢嘅性取向影響，梁思浩私下同朋友約會，都竟然唔止一次扮女人。
01年12月，有人打電話向報館報料，話玩line識咗個女仔，其後相約對方喺西貢見面，點知見面當日，竟然發現嗰位「女仔」係化咗濃妝嘅梁思浩，當事人聲稱唔甘心俾梁思浩玩，於是再約梁思浩喺西貢見面，通知埋傳媒影相，結果記者喺佢哋約見時間，真係見到梁思浩揸車經過，但事後梁思浩否認玩line，話只係咁啱揸車經過。
不過，到咗02年7月，梁思浩俾傳媒踢爆佢出席一個淺水灣影灣園舉行嘅男同志化裝派對，當日梁思浩一身「兔女郎」打扮，俾傳媒影晒相，想唔認都唔得！事後梁思浩承認自己有出席派對，亦有扮兔仔，但死撐話只係陪一個男同志出席，仲話出席男同志派對嘅人唔一定係基民喎！
本欄逢周一至周六刊出