早兩日朋友Dennis喺度同大家介紹咗部新款FordTransit，細佬樂祥睇完之後叫我即刻落去Showroom訂車喎，我諗佢真係鍾意部車鍾意得太緊要。
哈哈，但當我睇完份試車報告之後，上網就搵到一部叫TransitXXL嘅特別版喎！呢部車有咩咁特別？佢就巴閉啦，事關雖然係一部普通頂嘅型號，但係車長達7.4m，足足超過半部雙層巴士咁長，而軸距亦都達5.9m，可想而知佢個車廂係幾大呢！咁仲唔止喎，原來廠方仲特別幫佢喺左右兩邊車身，各加入兩扇趟門，加埋本身已有嘅低地台設計，乘客上落車都不知幾Easy，引擎配搭就同香港賣緊嘅一樣，都係配用嗰台符合EuroIV環保條例嘅2.2公升DuratorqTDCi柴油Turbo引擎，馬力都有130匹㗎！不過，據聞呢部咁特別嘅Transit暫時只係得一部，想買？就要睇吓有無機會啦！
悠穎馳
豪邁不羈，愛車如命，聽幾下引擎聲就知咩車！