陳豪昨日正式成為史雲遜護髮中心防脫髮代言人，與模特兒Rosemary在銅鑼灣世貿中心宣傳，Rosemary分別在肩膊及手臂縛上假髮，讓陳豪逐一解下，並分享保護秀髮經驗，二人更背貼背，模仿占士邦及邦女郎擺出有型甫士。
「係男人大忌」
陳豪勇於面對男人最痛的脫髮問題，他說：「可能遇上都巿壓力，最嚴重洗完頭發覺甩咗好多頭髮，但應該要正視問題，令情況改善。」城中有一種藥物專治男性脫髮，但服後有機會產生副作用影響性能力，陳豪表示他絕不會試，只會服用天然產品，問到他是否擔心影響性能力時，陳豪笑說：「我係天然使用者，當然嗰樣（指不舉）都係原因之一，係男人大忌。」日前廖碧兒公開稱讚陳豪身形fit，對此陳豪表示瘦身後有很多人讚他。
Rosemary向來都以長直髮造型示人，她表示從十歲開始至今也未試過剪短髮，當問到會否介意男性禿頭，Rosemary說：「有啲人光頭都好睇，不過香港人甩髮會好冇自信。」
採訪：卓寶花
攝影：陳慧安
