家居電器以洗衣機最惹火，去年共發生18宗洗衣機火警，成為家用電器火警排行榜首位。網友ec9338關注洗衣機清潔保養問題，在Yahoo知識詢問：「洗衣機內櫳（滾筒）是否可用梳打粉（清潔）？」
港九電器工程電業器材職工會理事長溫冠新認為，梳打粉「好傷手又好傷機，冇咩特別都唔好用。」他解釋，本港家居常用洗衣機滾筒，以不銹鋼或塑膠製造為主，梳打粉會侵蝕塑膠物質，除非是濃度極輕的稀釋梳打粉，否則可能破壞塑膠滾筒，不銹鋼則不會受損，「表面啲膠蝕咗，變相冇咁耐用，其實洗衣機如果每日或隔日洗衫，滾筒一般唔會好污糟，部份家庭洗衣量較少，用唔到嘅位置有啲污迹唔出奇，只要間中用稀釋漂白水抹吓就可以。」