「馬檻」即係供男女共度歡樂時光的地方，文雅啲講係「時租房間」，馬檻過癮嘅地方唔單止係北姑場女，原來佢哋都有馬檻8寶，其中不為人知係個「綠箭套」，2毫子個，大陸製造，平過我哋家用套幾十倍。
記者：TigerL
攝影：周旭文
Top1 綠箭安全套
講到用避孕套，無人會及得上馬檻女，佢哋一日接客數十個，最少用套20個，在商言商，家用袋真係唔多化算，因經濟效益關係，馬檻場上通常退而求其次，選擇較平同埋市場上較少有嘅安全套，好似呢隻喺行內俗稱「綠箭」嘅安全套，因Size長度同一般方形包裝唔同，加埋綠色嘅包裝似足香口膠而命名，雖然價錢平好多（大約2-3毫子一個），安全性亦相當高，反之如閣下有帶開私人安全套嘅習慣，亦不失為上上之策，安全至上，真係玩都玩得開心又放心！
Top2 名牌潤滑啫喱
「KY」簡稱潤滑啫喱或潤滑劑，排第二位，重要性當然凌駕其他用品，大部份馬檻都用呢隻J記，唔係貪佢多功能，而係又平又滑。據靚女Cola講：「KY要夠滑，以每日嘅工作量計算，有時身體某部份係唔可以無休止嘅配合，亦因為咁，身體上就會有『痛』嘅情況出現，所以差不多每次事前都要用「KY」幫手，先可以如常工作。」
Top3 塞波仔止月經
可能有部份男士真係唔知「塞波仔」係乜東東，但係女士就一定知，喺學術角度嚟講，係要嚟防止女性月事時經血外流。「開工時唔方便用衞生巾，又唔可以俾人客知道月事嚟，所以要將棉球放進體內，有時不止一個棉球㗎。最重要嘅係人哋發現唔到你『塞波仔』，係每個月重要寶貝用品。」
Top4 AV碟谷反應
冇錯就係日本人嘅偉大貢獻，根據駐場女優Cola講：AV碟其實都幾重要，有時客人需要培養情緒，又或因心理影響下，唔能夠作出應有嘅反應，嗰時AV碟嘅作用就即時生效，因為AV女優種類比較多，唔多唔少都會容易滿足或者幫到客人一啲心理嘅需要，令佢可以有即時嘅生理需求。
Top5 李記漱口水
𠵱家啲女優唔會好似以前咁，唔錫得嘴仔喇，喺行事過程中，亦少不免有面對面嘅近距離接觸，與此同時，如果發現對方突有一陣夜香味從口中散發出嚟，你都咪話唔雅興盡消，又或者喺自己口中有陣怪味，令馬檻女難以接受，用咗漱口水，以上尷尬局面就唔會發生。
Top6 $1消炎丸
唔講你唔知，原來消炎丸係每個場嘅必需品，客人有病傷風咳嗽當然要食藥，但係消炎丸並唔係準備畀佢哋食，而係啲女自己食嘅，當然喉嚨受到感染係可以食，但主要原因係有另外嘅用途，一位女優如果比較勤力嘅，一日可能要面對10位客人或以上，每日如是者不停咁做，少不免會令某地方出現一定程度嘅耗損，消炎丸就喺呢個時候發揮作用。消炎丸分口服和內服兩類，口服唔使多講，內服係放喺患處，功效相同。
Top7 香薰辟腥味
試想想，如果閣下可以喺一個舒適而又清潔空間工作，加埋陣陣嘅香氣，除咗做起事上嚟有事半功倍嘅神奇作用外，配合香薰嘅唔同功效，更可達致心神合一嘅境界，而且仲可以驅除馬檻入面濃烈嘅臭煙味和男人味！
Top8 貴價廁紙吸力強
馬檻一定要廁紙，因為用途層面廣，多數係抹去身上嘅殘留物體，你可能唔知，馬檻用嘅廁紙竟然係$1.8一嚿，比超市最平嘅環保廁紙貴約5毫，點解？「因為抹啲黏性高液體，一定要夠索，如果唔係，一味係咁抹，變相用得仲多。」
