顧紀筠前晚拖丈夫出席香港乳癌基金會活動，大晒百萬行頭，又謂要以珠寶拋磚引玉，留給女兒作嫁妝或送給好媳婦，盡顯富泰。其任代言人的2036靈芝孢子老闆在泰國涉吸毒，顧紀筠早前指不相信事件屬實，前晚她轉口風稱只望眾人平安回港，又力撐事件對公司形象沒有影響。
香港乳癌基金會前晚在中環四季酒店舉行慈善晚會，吸引了大批城中闊太名媛捧場，包括「六嬸」方逸華、大新銀行主席王守業的夫人、嘉頓新抱張王幼倫、張敏儀和周梁淑怡等。龔如心契女徐文玠在契媽喪禮後首次露面，懷孕七個月的她腹大便便，心情似乎已經平復，不停微笑，但卻沒有接受訪問。
蜻蜓頭飾傳後代
顧紀筠與丈夫陳仕煒結伴入場，她一身富貴迫人，戴上兩卡黃鑽耳環及巨型寶石蜻蜓頭飾，加上鑽石戒指、手錶，估計近百萬元，她更晒命說：「個蜻蜓我搵珠寶商鑲嵌，後來鍾意就要晒兩隻，留番將來畀女做嫁妝，或者拋磚引玉，送畀個仔嘅女友，等佢對我個仔好啲。」問她送完厚禮兩人分手豈非白送？顧紀筠即用大契（熱播無綫劇集《溏心風暴》李司棋的角色）名言說：「唔會，我閱人無數，係人係鬼我睇到嘅！」
渴望做奧運主持
2036靈芝孢子老闆及員工早前涉集體在泰國吸毒被捕，任代言人的顧紀筠曾揚言不相信此事，前晚她改口風，但仍然力撐說：「我回應咗，總之我只係希望佢哋平安返嚟就好，其他都唔擔心，推廣活動我照樣有出席。」不怕影響形象？她說：「唔會，件事對我冇影響，大家係唔同個體，𠵱家發生事嘅係人，唔係間公司，所以唔關事。」
顧紀筠又謂現時自己處於半退休狀態，有老公錫，很重視身體健康，但仍會揀喜愛的工作，她承認有興趣做08奧運主持，她說：「我做咗五屆，做埋今次就做足24年，好完美，不過𠵱家仲傾緊細節。」
採訪：RitaLeung
攝影：ChanShunChing
