理財版版主要求借用敏妮嘅篇幅，原來《蘋果日報》財經版禮拜六又搞講座，今次演講嘉賓真食正股市近排主題，點解？恒指上個禮拜創新高，散戶當然想搵專家問吓好唔好追貨？散戶偶像、資深股評家陸叔同城大教授曾淵滄同場出現，教你點部署下半年投資策略，仲講埋畀你聽追乜嘢股。咁仲唔止，中石油（857）發現大油田，股價升到追唔切，曾經做過資源股分析員嘅孫柏文就同你講資源股。仲有散戶想刀仔鋸大樹，法興輪后曾愷悌，同你講中資金融股窩輪。
《蘋果日報》每次搞講座都不計成本，今次大手筆送上次講座嘅DVD；另外，次次都有抽獎送書，今次再度有30個名額，可以攞到陸叔同曾淵滄著作，好似話啲飛去得好快，要訂位趁早喇！