長日流流，「返工瞌眼瞓」困擾許多在職人士。網友Saku近日在網上問：「你哋返到公司好眼瞓，會做啲乜醒神呢？」引起許多網友的共鳴和回應，「食超酸糖，再唔係起身行兩個圈。」「入toilet瞓30mins（分鐘）。」「搵同事傾偈、食嘢。」「飲咖啡。」「落街行30mins（分鐘）。」「食糖或香口膠。」「拉筋！」
充血上腦醒神大法
版主saku表示，自己有時返到公司會很睏，但老闆在場又不敢瞓，如果不忙碌的話，會開MSN跟網友傾偈，讓自己不至於在公司睡着，但有時很多工作，越做越眼瞓，真的「頂唔順」時，就會走入廁所小睡10至15分鐘。
芸芸網友的回應中，以treewah的最特別，「睇成人story（故事），但只限文字，剪貼到wordfile看，呢招真係萬試萬靈。」雖有網民和應，「呢招好似得得哋喎，有機會就試吓先。」不過，「新界區盟主」就提醒說：「充血上腦醒神大法？要小心眼瞓得滯，老闆行埋嚟都唔知喎。」