「好恐怖呀！好心拍暈條魚先煮啦！」「啲人咁都食得落嘅？」近日在網上流傳一段題為「一碟還有生命的上海香煎『鮮』魚」的55秒片段，一名廚師將一條異常生猛的魚，刮掉魚鱗、劏肚，再用毛巾按住魚頭，將魚身放入油鑊內炸熟；起菜時，魚嘴還在「口擘擘」，客人照吃如儀，卻令網友十分驚訝，「我見住佢哋食我都想嘔……」
看見許多網友大驚小怪，以「眼」自居的網友說：「如果你想聽啲非人道嘅食譜我仲有唔少：活魚刺身趁條魚仲生勾勾幫佢拆肉再鋪返上去；日式蛇肉燴飯：用一個蓋上有洞嘅蓋燴飯，首先將啲蛇丟晒落個鍋度，開火，啲蛇怕熱會喺啲洞度伸個頭出嚟，等啲蛇死晒，再直接拉佢個頭出嚟，完整蛇肉就會留喺飯度，啲皮、骨同內臟都會一次清晒，搞掂！」