黃家亮以往在朋友眼中十分開朗、樂觀，為人風趣幽默，最喜歡跟人講笑，加上他性格十分隨和，上至大牌明星藝人，下至低層幕後，他也打成一片，在圈中人緣不俗，與石修、汪明荃、郭富城、林建明、沈殿霞和陳百祥等尤為相熟，歌星之中，黃家亮最疼錫郭富城，和劉德華、黎明等巨星經常合作。雖然黃家亮05年離開無綫，但仍不時與昔日《歡樂今宵》的幕前幕後工作人員食飯聯誼，是一個十分念舊的人。
郭富城：我好難過
年輕時，黃家亮外形俊朗，且跟石修樣貌十分相似，因而被朋友稱為「少年石修」；而工作上，黃家亮十分拼搏，是朋友眼中的工作狂，但自從黃家亮離開無綫後，一直變得鬱鬱不歡，在朋友間聚會上，越來越變得沉默寡言。
記者昨日致電黃家亮身邊的友人，對於黃家亮猝逝，眾人均感到愕然和震驚，郭富城表示自己聽到消息後很難受，他說：「我真係好愕然，以前佢喺TVB時好多節目都搵我表演，我好感激佢，我唔知點解佢會選擇咁嘅方式去結束生命，我好難過，個心好唔舒服。」
石修透露幾天前才和黃家亮見過面，他說：「我都係啱啱知道，聽到呢個消息好唔舒服，好突然，早幾日我先同佢食飯，都感覺唔到佢有啲乜嘢唔開心。大家係好朋友，平時都有保持聯絡、出嚟食飯，但冇聽過佢講有啲乜嘢唔開心囉。」
和黃家亮相交多年的無綫綜藝科監製林嘉穎，指對方近來性情改變，由開朗變為沉默，林嘉穎說：「識咗佢20幾年，可以講係由細玩到大，定期有聯絡，對上一次係兩、三個禮拜。近年覺得佢比較靜，冇乜嘢講，以前佢比較活躍，同埋知佢呢一輪冇嘢做。」
李香琴以前在《歡樂今宵》曾和黃家亮合作，她說：「吓？唔係嘛，佢份人幾樂觀㗎喎，我哋間唔中都有食飯見面。以前佢做『EYT』導演嗰陣好鬼搏，要求又高，成日要我哋做呢樣做嗰樣，我哋重幫佢同另一個幕後起個花名，叫佢哋做大小不良㖭。」無綫綜藝及體育科製作主任何小慧說：「佢離開TVB後仲有聯絡，大家係朋友。我知有好多記者朋友同佢好好朋友，大家感情好好，但我真係唔想再講。」
本報記者
