滕麗名與魏駿傑拍拖九年，可惜最後分手收場，連日來滕麗名均一直未有作出回應，不過昨日她返回電視城拍攝無綫劇集《和味濃情》時態度明顯有所改變，雖然阿滕揚言心情已平復，但左手手臂、手腕及頸部卻有多處傷痕，情況令人擔心。
滕麗名昨午6時在將軍澳電視廣播城現身，她身穿連身裙露出雙臂，左手手臂、手腕及頸部明顯有多處傷痕，當中最為明顯的傷痕位於左手手腕，立即令人聯想到阿滕與魏駿傑九年情完結後所帶來的傷痛。
傷痕前年留下
阿滕被問到手臂上的多處傷痕時明顯有所避忌，她說：「左手手臂係前年打風俾玻璃整親㗎，根本唔關事，唔好亂諗喇，頸都冇嘢！」當問到左手手腕的傷痕時，她說：「唔該你抹亁淨個鏡頭先喇！」
阿滕昨日一見記者即表現得十分大方合作，更直認與魏駿傑在和平的情況下分手，她說：「我哋係分咗手，絕對冇第三者出現。」
「希望佢將來好」
問會否覺得可惜時，她說：「OK可惜喇，咁𠵱家大家都有聯絡，仲係朋友。」被問到會否搬離昔日愛巢另覓新居時，阿滕則指仍未有決定。
日前魏駿傑公開承認兩人情已逝，但仍大讚阿滕是一個好女仔，只是他自己沒有福份，對此阿滕說：「佢都係一個好男仔，有時分手唔一定要吵吵鬧鬧，亦唔係是但一方唔好，我希望佢將來都會好好，總之以前所有嘅記憶對我嚟講都係開心嘅。」
採訪、攝影：王崇穎
