話說早前學人出走小葡鄉日子，陪伴自己最多嘅，係美國老牌樂隊Eagles經典金曲《Desperado》。
「爹斯趴華度」，咁啱有我個名嘅？又有啲懶係浪迹天涯嘅賭徒feel；入面嘅歌詞亦鬼死咁touching，重複咁講住人生最重要嘅「自由」及「情」，呢兩種叫人難兼得，但又矛盾地唔能夠缺一嘅惱人東西。越聽越發人深省，諗嘢層面亦好似廣闊咗，腦海一片清明。
好似今晚西甲愛斯賓奴主場對馬德里體育會，表面因素可見馬體會要搶分爭歐洲賽參賽資格，愛斯賓奴聯賽已無目標，不如留力準備月中嘅歐協盃決賽；但馬體會真係有本事贏咩？呢口我就博和嘞。
主客和：愛斯賓奴和
心得：唔求賠率可吼「雙」
華度
貼士嘅嘢，邊有實贏？睇相佬就話我有運行，冇點你！