午飯時，聽見隔鄰一枱青少年波牛正談得起勁，禁不住過枱聽聽少年心底話。
朗尼樣衰唔掂
「小朋友，現時球壇小4大天王，邊個最受歡迎？」C朗（基斯坦奴朗拿度）、C朗拿度、C朗、卡卡……看來曼聯C7的天王氣勢確實厲害，但，是甚麼原因呢？「佢越來越成熟，應射就射，應交就交。」「今年曼聯全靠佢咋！」「佢又大隻、又型！」「你又知佢大隻？」「佢成日入波都除衫啦！」
「咁你哋啲女同學呢？」「都係C朗啦！我諗10個有8個都係呀！」朗尼及美斯無人問津？「朗尼唔掂啦，咁樣衰！」小朋友，真直接。
再問，「今屆曼聯捧多少盃？」「兩隻！」「捧晒！」車路士沒擁躉嗎？「車仔用金錢堆砌，唔值捧！」有錢無罪啊。
又問，「歐聯呢？」「利物浦！」又是異口同聲，「利記個勢好呀，又有teamwork！」連原本那個卡卡fans都轉軚，最後一題：「韋斯咸會降班嗎？」無反應，繼續食嘢。
馬啓仁
越講越有味道，堅持「鎚仔」先正路的講波佬。