黎耀祥雖然身為藝員，卻嚴禁電視汁撈飯，他說：「一家人難得晚上圍埋一齊食飯，如果掛住睇電視，大家就冇晒交流。我屋企食飯時候一定要熄電視，最多係聽吓音樂，就算食完飯都未必即時開番電視睇，我哋會成家人坐埋喺飯枱飲吓茶，食吓水果傾吓偈，呢個時間都可以分享吓心事。」
囝囝夢飛行
祥仔主演的劇集多是晚飯時段播放，正橋豈非無緣捧爸爸場？祥仔說：「時間唔啱就錄起佢，又或者提早食飯。」問正橋最愛看爸爸演出哪部劇集？他說：「我最鍾意睇爸爸主演嘅《楚漢驕雄》，佢扮韓信，好威好有型。」祥仔並不主張囝囝長大後繼承父業，正橋也滿懷大志說：「我去過探爹哋班，都唔鍾意拍戲，因為成日要食NG，我希望大個仔做飛機師。」