最近同兩個戰友飲茶，其中一位仲帶埋囝囝出嚟，自問一向好受BB仔歡迎嘅畢傑都冇晒符，個B仔開頭肯畀我抱，但唔夠5秒即時嗌落地。好彩畢傑不嬲多計，我話帶佢去「危險樂園」，先肯跟我去玩咋。
我呢排要搞簽證啲麻煩嘢，不過一啲都冇偷賴，今晚挖到場心水筍嘢，就係奧咸開「大」。一講起英甲啲低組別聯賽，就會諗起蘋果波神成日同我講：「請列出3個球員名。」好呀！基斯波特、列度爾、加利麥當勞、史堤芬史譚；我𠵱家講夠4個，蘋果波神唔該找錢。
入球大細：奧咸大
心得：同B仔拉完筋，唔好當我燈
畢傑
畢傑愛肥仔，所以最愛朗拿度；但更愛賭波，不倒翁最似我。