懷孕三個多月的麥家琪，昨日穿上長裙及高跟鞋出席《亞視金禧賽馬日》記者會，她透露體重上升了20多磅，更有不少廣告商接洽拍攝纖體廣告，她說：「仔或者女都冇所謂，但我鍾意仔多啲，唔使擔心佢，阿靚（袁詠儀）話我𤷪𤺧咗，我都覺得係。」記者指麥家琪上圍也升cup，她說：「肚大得最快，同埋食好多嘢。」
陳永棋談股權分布
此外，亞洲電視行政總裁陳永棋在活動上透露亞視易主最新動向，他說：「已經將新股東嘅資料傳咗去廣播事務管理局，等佢哋批。股權分布大概係我同劉長樂佔26%、名力集團佔10%、查懋聲控制嘅公司佔48%，同埋中信（中信國安）佔少過15%。」
採訪：王連連
攝影：葉君海