6年前喺帕爾馬食過第一口「帕馬」火腿，齒頰留香，揮之不去；睇帕爾馬足球亦然，近年歐洲球壇有邊隊波喺財困下死唔斷氣，季季都成功護級？咪就得帕爾馬囉。單係呢份打不死嘅球味，已令人回味無窮。
帕爾馬每季照例打起幾個球員，今季就有基奧斯比羅斯、加斯巴朗尼同埋保丹，連我季初批評過嘅對家財星、一見發財嘅古圖都鹹魚翻生，最近仲有力助攻入波㖭。
今晚作客基爾禾場護級生死戰，帕爾馬受讓，呢條美味火腿點可以唔添食？
讓球：帕爾馬（下盤）
心得：「帕馬」見實力，唔怕追寶尾
藍鑽石
愛意大利波、去意國度蜜月、囡囡與簡拿華路同日生日。