「不忠」就梗係有罪啦！佢唔單止背住老婆媾女，份人仲極之小器，早排佢爭獎輸畀「可憐小生」，記仇記到今時今日，家陣當正可憐小生係透明人，兼且全力篤佢背脊，猛同人講話佢啲戲屎，邊夠班同佢鍊，又話可憐小生贏係因為佢啲鞋油靚，擦到「數字小姐」對鞋立立令。
唔識檢討
不過不忠好似開啓咗自動洗腦系統咁，完全唔記得媾女媾到形象盡毀囉，最離譜係佢有日開工拍戲，竟然飲醉酒，捉住工作人員重覆又重覆咁呻：「點解我會輸畀可憐小生呀？佢有乜嘢咁好呀？」搞到班工作人員怕晒佢，一個二個雞飛狗走。其實有乜點解吖，唔通問點解你老竇唔係李嘉誠？定係問點解你生得咁靚仔，但又要不忠呀？
Textby關仁
