藍潔瑛好友楊曼莉（小圖）噚日喺土瓜灣，以嘉賓身份綵排楊燕同謝雷喺本月舉行嘅演唱會。有消息指藍潔瑛打算出家為尼，對此楊曼莉話：「係呀，等我做埋呢個演唱會，就會同佢去武當山出家，佢呢排都好緊張，成日瞓唔着，話有好多魔鬼鑽入佢個身度，𠵱家佢一個人喺元朗住，我一有時間就會去睇佢。」