最近友人S再度墮入愛河，經過幾年單身寡仔歲月後，今次特別着緊；家在屯門嘅佢，本身返開下午班，不過朝朝早都揸車到大埔女友家，接女友到尖沙嘴上班，然後喺車度小睡片刻，下晝先返工。久而久之搞到唔夠精神，一晚揸車返歸「釣晒魚」，鏟上路肩先識停，好彩人車平安。
無論愛情、吃喝玩樂、甚至工作，沉迷得滯都唔太好；西甲嘅愛斯賓奴，就完完全全沉醉於歐協盃嘅成功度，搞到聯賽無心戀戰；馬體會來季要踢歐洲賽，已經不容再失，平手盤點都捧作客嘅馬體會啦。
讓球：馬德里體育會（平手）
心得：愛斯賓奴沉醉歐協盃
牽牛
精通各種賭法，發覺賭「讓球」先係王道，每日一棍希望有得發。