訓身車路士前，要睇曼聯贏定輸。
「車仔」先失去歐聯，如果聽晚有乜閃失，將會再失去聯賽！雖然，車路士要贏聯賽冠軍，已經只係數字上嘅可能；不過，天無絕人之路，面對阿仙奴一班小將，憑個人質素同體能，作客贏阿仙奴，並非難事！
不過，車路士嘅贏輸，完全取決於今晚曼聯嘅贏輸！作為一個公平嘅競賽規則，點解曼聯同車路士唔係同一時間開波？而榜尾，同樣唔會全部同一時間開波！如果同一時間開波，戰情一定好緊湊，就好似上一輪賽事，大家互相留意對方戰果，心情起起跌跌，不知幾過癮！唉…可惜，如果曼聯今晚贏波，我奉勸各位一定唔好掂「車仔」，聯賽冠軍無望，戰果難測，大家小心！
而今晚英超護級大戰，我就睇好韋斯咸可以贏波；生死關頭，球員𠵱家先出力，近7戰取得5勝2負嘅好成績，今晚返到主場，有球迷支持，一定全取3分！
周鵬 商業1台《球迷集中贏》主持
電郵：[email protected]