上星期最淒涼唔係因感冒影響變成咳到死嘅支氣管炎，而係周三晚歐聯4強次回合AC米蘭主場大破曼聯3:0。
這一仗無謂講咯，人人有眼睇心中有數，不過強若曼聯捧3隻蛋，我等曼聯fans點會唔心實？所以話，喜歡一隊球隊或一名球員，你需奉上愛心，不因起與落成與敗，仍需力撐。
踢波可減肥健身
放低傷心事，不如講吓娛樂性強的話題。過去幾年香港最流行物事，必選瘦身減肥。呢家嘢好話唔好聽肥完減瘦，瘦完必反彈繼續肥。
我也試過戒煙後肥到自己都認唔到自己嘅場面（外遊，穿泳褲與朋友合照，回來看照片，指住中間個肥佬；邊個嚟架？肥成咁。全枱朋友笑到翻枱……閣下啊，肥佬！）減肥不外講耐性與忍功，試過一個月減50磅，兩個星期減20多磅的輝煌戰績。不過事後，閣下生活習慣不改善，乜肥肉都反彈。
趁球賽在香港有回魂迹象，不如搞一些肥佬肥婆打足球減肥健身法。我相信，不用一個月，想幾瘦有幾瘦，花費又簡單就是一個場一個波。
鄧達智
以出色品味穿梭時裝界，對足球熱愛始終如一。