詹瑞文前晚與太太甄詠蓓到灣仔藝術中心，宣傳他的劇團推出的新舞台劇《中途轉車》，該舞台劇將於本月18日至20日在沙田大會堂、及26日與27日在屯門大會堂公演五場。
非借題發揮
詹瑞文將於10月推出舞台劇《蛇鼠一窩》，內容涉及爭產事件，早前他還與太太仿照小甜甜龔如心和風水師陳振聰打扮試造型，問到會否擔心被指借題發揮，詹瑞文說：「唔怕，係講好多香港人嘅人生百態同風氣，唔係刻意搵題材嚟抹黑，祥哥祥嫂都有爭產事件，呢樣嘢已經係世界普遍嘅社會現象。」問到會否以龔如心造型在劇中出現，詹瑞文說：「未必會，內容仲構思緊，係個愛情故事。我哋有個演員係蘇民峰大弟子，會搵佢做顧問，加啲風水元素，加強故事性，但個方針唔係取笑件事。」
採訪、攝影：楊潔雯