一直聲稱沒有男友的03年港姐亞軍楊洛婷，前晚出席完尖沙嘴名錶晚宴後，直奔樂隊DearJane主音、杜琪峯姪仔黃天翱（Tim）嘉多利山寓所。昨日楊洛婷承認此事，但強調只是借廁所而已！
楊洛婷上周四（3日）出席無綫藝員生日派對時，口口聲聲表示沒有男朋友，而今年初她雖然被傳與樂隊DearJane主音歌手、杜琪峯姪仔黃天翱拍拖，每次DearJane做騷，楊洛婷總會抽空捧場，但楊洛婷強調彼此只是朋友而已。
男方語無倫次
不過，儘管楊洛婷死口唔認拍拖，前晚她在尖沙嘴美麗華酒店出席「2007瑞士名錶展」晚宴後，記者卻見阿Tim駕車管接管送，完全不似是普通朋友咁簡單。
前晚11時半左右，楊洛婷出席完活動後離開酒店，門外有數名fans等候，楊洛婷跟fans簽名寒暄幾句後，駕駛藍色福特私家車的阿Tim剛剛抵達，楊洛婷逐一跟fans揮手道別，然後急急跳上阿Tim的座駕離開，前往男方嘉多利山花園寓所。
戴上cap帽的阿Tim，把座駕泊在寓所對面街後，即下車查看車胎，由於當時正下着雨，阿Tim隨即與楊洛婷連走帶跑的走進大廈內。
記者昨日致電楊洛婷，她說：「我去佢屋企攞啲嘢，順便借廁所用啫，我同佢係朋友，唔係拍拖。」
至於問到阿Tim為何接載楊洛婷返回自己嘉多利山寓所？他昨日在電話中解釋說：「我父母一早分開，間屋係我爸爸嘅，我返去攞啲嘢啫！」記者問他返家取東西，為何楊洛婷會跟他同行？他開始有點語無倫次說：「屋企冇人吖嘛！」如此說法，豈非孤男寡女共處一室？阿Tim隨即說：「佢嚟借廁所，我就順便返屋企攞嘢啫！」
本月齊滿26歲
問阿Tim與楊洛婷可有發展機會？他表示現階段二人只是朋友，將來有沒有發展機會還是未知數。原來今日是阿Tim的26歲生日，本月16日楊洛婷也26歲生日，記者問二人如何慶祝，會否一起度過？阿Tim說：「會同成班朋友一齊過囉！」
採訪、攝影：娛樂突發組、陳俊強
