香港幾好都有，但嚟嚟去去都係嗰啲地方人物事情，厭悶；最近就浪走澳門，寄住朋友屋企，做咗成個禮拜澳門人。
每日穿梭橫街小巷，搵連旅遊指南都鮮有介紹嘅地道食肆開餐，同當地人打吓交道，撇開遊客身份，用當地人方式去體驗呢個浪漫地方，又有另一份洗滌心靈情懷！返咗香港，仍然好懷念辣魚加蛋夾餐飽、澳式泰國貴刁、「DD」，以及香港已經冇咗嘅唔禁煙食肆！
喺賭場行兩轉，或有望搵到使費；返到香港，就要望啲波生性，籌措旅費再向世界出發。今晚頭場蘇超大戰，上場輸畀赫斯嘅些路廸，獲減分下對住流浪呢個世仇，竟然受讓，去下盤。
讓球：些路廸（下）
心得：楊枝「路廸」牡丹開
華度
貼士嘅嘢，邊有實贏？睇相佬就話我有運行，冇點你！