回歸前中港金融同貨幣體系，點樣過渡同埋安排，牽涉唔少高度政治智慧同技巧，金管局總裁任志剛，噚日喺專欄《觀點》入面，揭示咗中港兩地高層，首次就金融事務開展對話嘅秘密之旅。
時光回到87年5月初，當時財政司翟克誠同金融司林定國，展開北上之行（估計係去北京），邊個北大人負責接見？冇人知，當時出任副金融司嘅任志剛，好可惜冇得去，只係統籌文件同背景資料，較重要係有關聯滙制度運作。
又難怪嘅，任總嗰時仲係四十出頭，經歷唔到咁歷史性嘅大場面，難免有「苦悶心情，久久難以釋懷」，佢事後回想，認為自己反應實在唔夠成熟。但其實任總唔使覺得可惜，因為到咗93年金管局成立，佢就名正言順以總裁身份，頻密北訪，同人行等內地財金部委，商討本港金融貨幣嘅過渡安排，後嚟連國家領導人都有得親身拜見，咪仲威水！
[email protected]