呢期榴槤當造，每次經過生果舖都會飄來榴槤之香，對於鍾意食果王嘅朋友，那種獨特的「香」味，真係聞到就流晒口水。不過，原來除咗當生果咁食，榴槤煮餸一樣掂；今日就教大家用榴槤配搭其他食材，夾出來的味道，話唔定連不好此道的朋友也想破例一嘗呢！
記者：趙珮倩
攝影：林栢鈞
榴槤釀雞翼
需時：45分鐘
價錢：$30/4人
材料：雞中翼8隻、榴槤肉20克、麵包2片、雞蛋1隻、酒2湯匙
做法：先將榴槤肉壓爛，取2湯匙榴槤肉與酒拌勻調味，釀入去骨雞中翼醃至少30分鐘；麵包撕碎，混入其餘的榴槤肉/雞蛋拌勻成餡料，釀入雞中翼；燒熱鑊下油，將雞翼煎熟即成。
貼士：揀較濕潤的榴槤肉做醃料會較易入味。
翡翠冷麵
需時：15分鐘
價錢：$30/2
材料：榴槤肉30克、抹茶麵2束、青瓜絲適量、木魚汁1/3杯、水2/3杯
做法：麵條放沸水中煮熟撈出，用凍水沖洗後瀝亁上碟，鋪上青瓜絲，榴槤肉壓成茸放上面；木魚汁與水拌勻後，淋麵上，亦可撒上紫菜作點綴。
飄香和牛沙律
需時：15分鐘
價錢：$40/2人
材料：薄切牛肉/榴槤肉各50克、黃豆粉1湯匙、沙律菜適量
做法：先將榴槤肉剁碎成醬備用；水沸後轉小火，將薄切牛肉逐片放入，燙至6成熟，肉色呈粉紅時取出；趁牛肉尚熱時，即加入榴槤醬/黃豆粉拌勻，可配上沙律菜上碟即成。
貼士：黃豆粉可吸去多餘水份鎖緊榴槤味，但不宜落過多。
黃金雲吞
需時：25分鐘
價錢：$30/4人
材料：榴槤20克、椰菜1/4個、洋芫荽適量、雲吞皮12片
做法：榴槤肉剁碎成醬備用；椰菜切絲灑上鹽，再用滾水燙軟，瀝亁備用；洋芫荽切碎後與榴槤醬/椰菜絲拌勻成餡料，包上雲吞皮；燒熱炸油至大約160℃火，將榴槤雲吞放炸油中，炸至金黃即成。
金枕天婦羅
需時：15分鐘
價錢：$25/4人
材料：榴槤肉100至150克、紫菜2張、薄力小麥粉1/2杯、蛋黃1隻、水1/2杯
做法：先將紫菜剪成小正方形，榴槤肉撕成幼絲，以紫菜包上；薄力小麥粉/蛋黃/水輕輕拌勻成炸漿；燒熱炸油，將已包好的紫菜蘸上炸漿，隨即放入油炸至挺身即取出，放吸油紙上，吸油後上碟，吃時可撒上少許鹽。
貼士：要用亁身的榴槤肉包上紫菜，炸出來的天婦羅較爽脆。
煮太耐會酸
CoCo教路以榴槤入饌，不宜作長時烹調，否則味道會變酸；此外，如榴槤肉屬亁包，可加入適量日本沙律醬或味醂拌勻，使味道和質感較易融入其他食材當中。
由於榴槤味道十分濃郁，一般煮食用的話，建議以9:1的材料份量對榴槤比例來調味已相當足夠，當然，若勁鍾意食榴槤的朋友，自然可以按自己喜好重手落多啲啦﹗
示範：料理研究家
小松本CoCo
