儘管通用汽車首季盈利大幅倒退九成，但阻止不了美股再創新高，道指周四收13241點，升29點或0.2%，如果昨日又升，則平了自1944年春季26個交易日升足23日的紀錄，實在可喜可賀！
道指狂牛帶動下，標普500指數一舉上穿1500點，收1502點，升6.47點或0.43%，是自2000年9月以來最高；納指亦改寫6年高位，收2565點，升7.6點或0.3%。美股這齣「不滅神話」，簡直可媲美中國股市喜劇「神仙放屁」──不同凡響！
美股屢闖高峯，實在有其「藉口」──令人驚喜的經濟數據，無論是製造業或服務業指數、生產力、工資增長、單位勞工成本、工廠定單、新申領失業援助金人數等，皆出人意表，加上油價回落、美元反彈、債券孳息下降，再配合併購活動頻仍、企業盈利「倍」增等消息，一片「低」通脹、「高」增長的繁華景象盡現眼前，汝道股市是否想唔升都幾難？
那麼，真係完美到連一點瑕疵也沒有？當然不是，但請問閣下有再聽到傳媒重提「次按」問題嗎？別說有心刻意淡化，時間都可以沖淡一切啦！此外，企業盈利何止倍增，如果埋單計數係9%增長，你話是早前預期3%的幾倍？美股最少升多50%吧!?
假若不是經營不善的車廠拖累，首季企業盈利增長分分鐘又是雙位數字，不過唔使驚，有分析員已撲出嚟話美國3大車廠最壞時刻已過去，「小心」第3、4季盈利有超過25%增長。何止？地產及建築商亦然。苟如是，在布殊任內，這「神話」豈不真係「不滅」？
單邊市係人都識睇，又何須如冠一般的分析員左評右評？看來快係時候轉行矣！