食肆為保障食客安全，通常會買綜合保險，包括責任保障、意外成因保障和營業中斷損失保障等。世運保險顧問主席羅少雄稱：「『意外成因保障』指食客喺店內食物中毒或喺食物中食到異物引致不適嘅索償。小食店同大集團連鎖店買嘅保額當然有分別，最少都會買過百萬元，大規模嘅更可能過千萬元；而大集團因為控制衞生標準高啲，或曾得過國際品質檢定獎項，保費一般可以平啲。」
賠償金額方面，則要視乎每個個案而定。羅少雄說，如果食客在食店吃過食物引致不適，應保留警方報案紀錄、醫療報告及當局檢查出事食物的衞生報告，然後向有關食店提出索償，如食肆有買保險，則會交保險公司處理。
加州紅集團董事總經理駱國安表示，大型食肆的責任保險，保額動輒以千萬元計，「通常存心屈人嘅食客都會呃嘢食、呃現錢算數，好少識得去呃埋保險金！」