年輕人愛hea又愛cafe，若是潮流品牌踩過界開cafe，點都能引得一班fans慕名而來。BEAMSBOY由i.t正式引入香港兩周年，除咗推出特別紀念版tee外，還決定開間BEAMSBOYCAFE，有得食有得hea，餐具碗筷全部印上BEAMSBOY字樣。雖然cafe只玩一個月，但絕對能令fans過足癮。
記者：黃若茵
攝影：伍慶泉、李莉
模特兒：Natalie、Pakho
只玩一個月
BEAMSBOY開cafe，暫借用又一城PAGEONEcafe的位置，地方不算大，設計簡潔，以去年品牌開始使用的杏啡色monogramlogo作主要背景及色調，感覺整潔舒服。i.t集團公關Gloria解釋：「𠵱家好多fashion品牌都會開餐廳或cafe，雖然香港唔太流行，但日本就好hit。」聽落吸引，可惜cafe為期只有短短一個月，而且講到明即使生意好，亦唔會延長限期，一來舖位始終屬於PAGEONE，二來時間短有限期先至矜貴！
以有限空間加入品牌元素
因為cafe只開一個月，所以裝修比起本來的PAGEONEcafe改變不多，只會貼出BEAMSBOY的logo字樣等。例如椅子一律會貼上杯形BEAMSBOY貼紙、落地玻璃則黐上一個兩周年logo、牆上會掛起品牌名字及monogram紙板、餐具上簡單寫上BEAMSBOY等，全部簡潔裝飾的意念都來自日本，原則是以有限空間加入BEAMSBOY元素。此外，i.t的BEAMSBOY專櫃就在PAGEONE旁，食飽後又可以shopping，fans記得要買兩周年tee呀！
周年優惠
由即日起到BEAMSBOY專店或i.tBEAMSBOYcorner，買正價貨滿$800，即可獲兩周年紀念咖啡杯1隻，送完即止。
日本都有BEAMScafe
日本的BEAMS喺涉谷神南都有一間BEAMSTIMEcafe，BEAMS本身共有兩層，cafe就位於二樓的其中一邊，食物以甜品為主。裝修方面同樣着重簡潔，讓客人shopping後可靜享一杯咖啡。
$68日式TeaSet
BEAMSBOYcafe內的食物貴精不貴多，只有4款BEAMSBOYteaset任揀，全都帶有日本食物元素如蕎麥麵、餃子烏冬等。不過供應時間有限，只於每日下午2時至6時供應，每份套餐均一價$68。
1.黑椒牛肉伴日式蕎麥麵
略嫌麵條太腍唔夠爽，但酸甜味的汁非常開胃，好啱夏天食。
2.日式煎脆軟骨餃子伴烏冬
用豬軟骨作餡料的餃子味道新鮮，咬落卜卜聲，口感一流。
3.日式煙三文魚沙律伴檸檬油醋汁
三文魚夠鮮，蘸一點醋汁更能帶起鮮味。
4.BEAMSBOY特色芝士蛋糕
芝士夠實，有點似NewYorkcheesecake，面層用朱古力粉灑上BEAMSBOY字樣。
查詢：27782808
兩周年限量Tee每色50件
為慶祝進軍香港兩周年而推出的tee，除印上兩周年logo外，更以品牌monogram襯底，背後領下印上一個小小咖啡杯圖案，一款四色，每種顏色只限50件！除限量tee外，新到的連身碎花裙亦極具夏日感，啱晒年輕女生。
街坊想試新cafe
