靚女考空姐 擔心象腳被人out

靚女考空姐 擔心象腳被人out

空中小姐是不少女孩子嚮往的工作,哈子十分「恨」在高空三萬呎做侍應,但不知從哪裏得到消息,指航空公司挑選應徵者時有不成文規定,小腿粗壯者多數落選,「有冇人知邊間航空公司冇咁重視對腳㗎,我勁擔心面試時有影響。」

據哈子稱,她兩文三語流利,樣子甜美,中等身材,然而小腿很粗,「肌肉感強」,擔心面試時露出「象腳」被拒諸門外。很多網友都說知道空姐入職要求達到一定身高,但對小腿粗者不獲考慮聞所未聞。

「着褲面試咪冇事」

CNSN指應該是訛傳,「可能只係外形冇咁靚啫,面試時又睇唔到對腳,況且小腿粗、幼,唔會影響工作效率。」雪兒笑稱,小腿粗更好,「企得穩陣啲,有氣流都唔會跌。」
也有人說寧可信其有,「如果唔睇樣,點解空姐多靚女?」本身是空姐的AJS稱,據她了解,香港沒有一間航空公司對小腿粗幼訂立標準,「面試時輕鬆啲,如果你語文能力好,機會就好大。」Airfool建議見工時隱惡揚善,「着褲面試咪冇事囉!唔通叫你換褲度小腿咩?」物流小魔女則說,可穿黑色絲襪,「對腳睇落去無咁粗。」她又說,坐飛機時,發現很多空姐、地勤都腳粗,「我諗其實你唔係擔心對腳粗,而係缺乏自信心。」

《蘋果》網聞版請你報料!大家無論在網上網外發現任何騎呢搞笑的事情,都歡迎提供照片或短片資料。

一經採用可獲酬100元
請附姓名、電話及電郵地址,電郵到:[email protected]