小五學童疑因被家人責罵成績退步而跳樓自殺，心理學家指家長應了解子女成績退步原因，然後對症下藥。有死者的同學則在網誌內留言，指感到學習壓力大，曾有自殺念頭。
余卓軒一名同班同學曾在個人網誌內，討論「小學生的大壓力」問題，又表示曾與同學討論過自殺：「突然情不自禁地說出了自己自殺的那件事……說完笑後，突然真的想死，die！」
兒童及青年心理學家朱嘉麗說，小五學生面對重大升中壓力，或許不能接受自己成績退步的事實：「以前佢背書叻，但轉咗要理解嘅課程時，佢唔識點做所以成績退步咗，佢自己都會覺得呢啲係壓力。家長應該要畀多啲鼓勵同接受，因為個仔已經盡咗力。」
教育心理學家鄧澔明稱，部份學童抗逆力較差，家長如只懂責罵無助解決問題：「其實最好啲方法係同小朋友一齊去傾，點解成績差咗呢？有咩辦法改善。」本身是兒童精神科醫生的全人發展中心顧問團主席黃重光則提醒家長，如子女被責罵時一改常態，不駁嘴反顯得悶悶不樂，「可能反映小朋友想放棄，覺得自己冇希望，家長要多啲關心佢哋。」