【本報訊】「感覺上屋企好似變得一啲都唔似屋企、我真係好怕、好驚，我除咗可以繼續扮瞓覺之外我可以點……再一次好想離開屋企嘅感覺」屯門大興邨母親放火燒死23歲女兒倫常慘案，女死者楊文鳳生前在自己的網誌上，曾透露其母親的病情愈趨嚴重，常發脾氣罵人，她曾想逃避，但她說「我又可以去得邊?」但縱火案導火線是否與此有關，母親是否疑不堪再被親人離棄縱火，有待警方調查。
「呢一排愈來愈嚴重」
涉嫌縱火被燒傷的母親吳美蘭(47歲)，目前仍在沙田威爾斯親王醫院深切治療部留醫情況危殆，警方仍未能替她錄取口供，而負責此案的兩名重案組探員，昨午重返火場撿走女死者的電腦，相信是想了解女死者有否在電腦內，留下任何與案有關的資料。警方至今仍未聯絡上吳婦的前夫，法醫官稍後會剖屍查死因，暫未有人被捕。
女死者楊文鳳在近月的網上日誌，曾三次談及其母親，一次談及父親「今朝係我最唔開心既時候，竟然收到daddy既sms約我食飯，之後我就啦啦聲出門口啦。我好耐無見過佢啦，佢個頭仍然都係咁「光」。總知一見到佢，就好多好多嘢想同佢講啦!」語意輕鬆。
但談及其母親，她卻顯得有些害怕及無奈。「一直以嚟我都覺得我可以接受得到……由細到大媽媽都係咁……我可以做到嘅係「零」……但呢一排變得愈來愈嚴重……每一日無論我返工前、放工後佢都係咁發脾氣鬧人，我唔明點解佢咁憎身邊嘅所有人……到咗今日，佢竟然失控地拎起啲檯、chair、甚至米桶嚟拋……好辛苦呀，我真係好掛住讀書住hall嘅時候呀。」
鄰居曾欲撬門救火
看着楊文鳳長大的鄰居冼先生說，15年前與楊女兩母女一起搬入大興邨興昌樓，楊女很乖有禮貌，對今次事件感到歎息。他說一向知道吳婦精神有問題，常自言自語及與女兒發生爭吵，已習以為常，故案發當晚聽聞吳婦兩母女又在屋內吵鬧，不太在意，如常上床睡覺，直至其女兒被濃煙嗆醒叫醒他，開門出走廊，發現吳婦單位的氣窗不斷有濃煙湧出，曾大聲向屋內喊叫：「係咪火燭，有冇事呀?」一名女子相信是楊女回應道：「係呀，救命呀。」他再追問，對方無回應知不妙，曾想撬門救火，但怕搶火火勢波及走廊的煤氣喉管引起更大災禍，只好報警。
少女楊文鳳生前生活照
